CBMES studes ng Mapua, bumisita kay Mayor Tiangco

MAINIT na tinanggap sa tanggapan ni Navotas Mayor John Rey Tiangco ang pagbisita ng School of Chemical, Biological, and Materials Engineering and Sciences (CBMES) ng Mapúa University upang pag-usapan ang mga posibleng pagtutulungan para sa community development projects na nakatuon sa zero waste at sustainable livelihood.

Kasama rin sa pulong si Ms. Sonia Mendoza, chairman and founder ng Mother Earth Foundation, na matagal nang katuwang ng lungsod sa zero waste initiatives.

Matapos nito, nagsagawa rin sila ng ocular visit sa Materials Recovery Facility sa Brgy. Tanza 2 at sa Materials Recovery and Greenhouse Facility upang makita mismo ang solid waste management practices ng lungsod. Jojo Rabulan