MANILA, Philippines – Nag-anunsyo ang independent oil firm na PetroGazz ng rollback sa presyo ng gasolina at diesel kahit may pagtaas sa ibang oil companies.
Simula Biyernes, Marso 20, magbabawas ng P5.00 kada litro sa piling istasyon sa Mindanao Ave (Quezon City), Parañaque, Moonwalk (Parañaque), Barangka (Mandaluyong), Llano (Caloocan), at Fortune (Valenzuela).
Ayon sa kumpanya, “We are one with the Filipinos, to help ease the situation of high fuel prices.”
Ang rollback ay kasunod ng sunod-sunod na pagtaas ng presyo ng langis sa nakalipas na dalawang linggo dahil sa tensyon sa Middle East. RNT/MND
