MANILA, Philippines – Ayon sa Pagasa, humihina na ang northeast monsoon o amihan, na senyales na malapit nang magsimula ang mainit at tuyong panahon sa bansa.
Posibleng ideklara ang simula ng tag-init sa huling linggo ng Marso.
Kasabay nito, ang easterlies mula sa Pacific Ocean ay nagdudulot ng mas mainit at mahalumigmig na panahon. Bagamat kadalasan ay maayos ang panahon, maaaring mag-ulan sa Caraga at katimugang bahagi ng Leyte.
Ngayong Sabado, inaasahang maiinit ang panahon sa Luzon na may mga isolated thunderstorms.
Ang temperatura sa ilang lungsod ay:
Metro Manila at Legazpi: 23–31°C Tuguegarao: 21–32°C Laoag: 22–31°C Baguio: 15–21°C Tagaytay: 20–29°C Palawan: 24–32°C Sa Visayas at Mindanao, inaasahang 24–33°C ang temperatura sa Tacloban, Iloilo, Cebu, Cagayan de Oro, Zamboanga, at Davao City.
Walang gale warning sa mga karagatan; ang alon ay mula 0.6 hanggang 2.5 metro. RNT/MND
