MANILA, Philippines – Nag-turnover ang Philippine Charity Sweepstakes Office (PCSO) ng 12 mechanical ventilators sa limang government hospitals sa Bohol upang mapalakas ang critical care at ma-improve ang access sa life-saving treatment.
Ayon sa PCSO, nakatanggap ang Garcia Memorial Provincial Hospital ng anim na units, Teodoro Galagar District Hospital ng tatlo, habang ang Congressman Simeon Toribio Memorial, Catigbian District, at Francisco Dagohoy Memorial Hospitals ay tig-isa bawat isa.
Sinabi ni PCSO GM Melquiades Robles na ito ay courtesy ni President Ferdinand Marcos Jr. at bahagi ng Medical Equipment Donation Program. Nilinaw niya na walang kinikilingan sa pamamahagi ng tulong, “regardless kung bumoto sa atin o hindi.”
Binigyang-diin ni Bohol Governor Aris Aumentado na makakatulong ang ventilators sa hospital readiness lalo na sa emergencies at public health threats.
Ang Resvent RV200 ventilators ay portable at kayang gamutin ang neonatal, pediatric, at adult patients, may real-time monitoring, touchscreen interface, battery backup, at adjustable oxygen delivery.
Kasama rin sa turnover ang tseke na nagkakahalaga ng P277,940.92, mula sa lotto shares ng Bohol para sa July–December 2025. RNT/MND
