MANILA, Philippines – Nakapasa sa third reading ang House of Representatives ng 18 sa 52 LEDAC priority measures bago mag-Lenten break, ayon kay House Majority Leader Sandro Marcos nitong Linggo, Marso 22.
Sinabi ni Marcos na ang mga panukalang batas ay sumasaklaw sa economic reform, public services, edukasyon, governance, at social protection.
“Masigasig po ang inyong Kamara sa pagpasa ng mga prayoridad na panukala ng administrasyon. At sa ngayon, proud kami sa aming nagawa,” ani Marcos.
Kabilang sa mga pangunahing measure ang: BARMM election reset, National Center for Geriatric Health, EPIRA Amendments, Waste-to-Energy Act, Blue Economy Act, Travel Tax Abolition, Digital Payments Act, at iba pa.
Pinuri ni Marcos si House Speaker Faustino “Bojie” Dy III sa pagpapanatiling nakatuon ang Kamara sa legislative work, lalo na sa kasalukuyang krisis sa Middle East.
“Ito ang kailangan ng ating mga kababayan: immediate relief mula sa mataas na presyo ng gasolina at gastos sa pangunahing bilihin at transportasyon,” dagdag niya tungkol sa bill na nagpapababa o pansamantalang nagsususpinde ng excise tax sa petroleum products.
Lumabas sa records na mula Hulyo 28, 2025 hanggang Marso 18, 2026, may 8,705 House bills at 927 resolutions na na-file, kabilang ang 905 House resolutions, 5 joint resolutions, 13 concurrent resolutions, at 4 resolutions ng parehong Houses, na may kabuuang 9,632 measures at 233 committee reports.
Ayon kay Marcos, ipinapakita ng bilang na ito na “laws in progress, reforms taking shape, at isang Kamara na patuloy na gumagalaw kahit under crowded calendar.”
Magpapatuloy ang First Regular Session ng 20th Congress hanggang Hunyo 5. RNT/MND
