INDONESIA – Nagsimula na ang Indonesia sa pagpapatupad ng social media ban sa mga bata edad 16-anyos pababa.
Ito ang inanunsyo ng naturang bansa kasunod ng banta sa online pornography, cyberbullying at internet addiction.
Sinabi ni Communications minister Meutya Hafid na tumugon naman ang digital platform na X at Bigo Live sa bagong panuntunan at inayos ang kanilang minimum user age dahil sa regulasyon.
Ang iba pang digital platforms na nag-ooperate sa bansa ay dapat na “immediately align their products, features and services with applicable regulations,” ani Meutya.
“We reiterate that there is no room for compromise regarding compliance, and that every business entity operating in Indonesia is required to adhere to the laws in force within the country.”
Ayon naman sa Tiktok, handa silang tumugon sa regulasyon kabilang ang “taking appropriate measures related to under-16 accounts” sa mahigpit na pakikipag-ugnayan sa ministry.
Matatandaan na nagpatupad na rin ng ganitong polisiya sa Australia noong Disyembre. RNT/JGC
