SOUTH KOREA – Tatlong concertgoers ang sugatan matapos na bumigay ang safety fence sa kasagsagan ng concert ng Super Junior sa Seoul nitong Linggo, Abril 5.
Ang aksidente ay nangyari sa pinakahuling araw ng tatlong concert sa Seoul na idinaos ng grupo sa KSPO Dome kung saan lumapit ang miyembro nitong si Ryeowook sa mga audience sa performance ng encore song.
Dahil sa paglapit pa ng mga fans ay bumigay ang bakod sa seating area.
Ayon sa SM Entertainment, ang mga sugatang fans ay agad na dinala sa ospital na ginagamot sa mga tinamong pasa at sugat.
“We deeply apologize to those affected and their families,” saad sa pahayag ng kompanya.
“As the organizer, we take full responsibility and will ensure thorough safety checks to prevent similar accidents in the future.” RNT/JGC
