ZAMBOANGA, Philippines – Tatlong pasahero ang sugatan matapos magbanggaan ang dalawang sasakyang pandagat sa karagatan ng Zamboanga City.
Sa kumpirmasyon ng Philippine Coast Guard (PCG) alas 6 ng hapon nitong April 10, 2026 nang mangyari ang insidente na kinasasangkutan ng passenger vessel na MV SUG Adventure at Isang motorbanca.
Ayon sa PCG, dahil sa aberya sa carburetor kaya nawalan ng kontrol ang motorbanca na nagresulta sa biglaang pagbilis ng motorbanca.
Tumaob ang bangka at nahulog sa tubig ang mga sakay nito na agad ding nailigtaa at dinala sa Port of Zamboanga para sa agarang gamutan sa tulong ng Coast Guard at Philippine Red Cross.
Patuloy pa ang imbestigasyon ng mga awtoridad upang matukoy ang buong detalye ng insidente. Jocelyn Tabangcura-Domenden
