MANILA, Philippines – Sinabi ni Batangas Rep. Gerville Luistro na walang laman ang mga petisyong humihiling na pigilan ang impeachment hearings ng House committee on justice laban kay Vice President Sara Duterte, dahil hindi umano sinasagot ng mga ito ang mismong paratang.
Sa kanyang opening speech sa pagdinig, binanggit ni Luistro na may apat na petisyon na inihain sa Korte Suprema (SC) at sa korte upang pigilan ang pagdinig—mula sa mga abogado na konektado kay Kingdom of Jesus Christ founder Apollo Quiboloy, kay Duterte mismo, at sa iba pang indibidwal, kabilang ang asawa niyang si Atty. Manases Carpio.
“Esteemed colleagues, beloved countrymen, there are a total of four petitions seeking to stop these hearings… not one answered the important accusations against the vice president,” ani Luistro sa Filipino.
Ayon sa kanya, puro umano teknikalidad ang laman ng mga petisyon at hindi ang mga alegasyon tulad ng maling paggamit ng confidential funds at umano’y hindi maipaliwanag na yaman.
“They only discussed technicalities. The people are looking for answers, not pieces of paper,” dagdag niya.
Sinagot din niya ang isyu tungkol sa one-year bar rule at sinabing lumipas na ang isang taon bago sinimulan ang impeachment process.
Pinabulaanan din ni Luistro ang pahayag na ang impeachment complaints ay isinulong lamang ng House Speaker Faustino “Bojie” Dy III, at iginiit na ang Speaker ay kumikilos bilang kinatawan ng buong Kamara.
“About this referral: let us remember that the speaker does not move alone. He moves as a representative of the entire chamber,” aniya.
Samantala, ilang mambabatas ang nagsabi rin na hindi umano tumutugon sa mahahalagang isyu ang mga petisyon ng kampo ni Duterte. Ayon kay Bicol Saro Rep. Terry Ridon, dapat na ibasura ng Korte Suprema ang petisyon dahil sa umano’y maling mga pahayag.
Nakaiskedyul ang susunod na pagdinig sa Abril 22 at 29 kung saan tatalakayin ang mga testimonya at dokumento ng mga saksi sa impeachment proceedings. RNT/MND
