MANILA, Philippines – Walang kinalaman sa red notice ng International Criminal Police Organization (Interpol) ang pagkakaaresto kay dating congressman Zaldy Co sa Prague, Czech Republic, ayon kay National Bureau of Investigation (NBI) Director Atty. Melvin Matibag.
Si Co ay naaresto dahil sa immigration violation.
Ani Matibag, handa ang NBI sa oras na magkaroon ng kautusan na pauwiin na si Co pabalik ng Pilipinas.
Matatandaan na naaresto ang dating mambabatas sa Prague noong Huwebes ng gabi na inanunsyo naman ni Pangulong Ferdinand Marcos Jr.
“He is now detained in Prague after crossing into the Czech Republic without proper documentation and is currently in the custody of Czech authorities,” ayon sa Pangulo.
Naharang si Co sa German border matapos pumasok mula sa Czech Republic.
Samantala, sinabi ni Interior Secretary Jonvic Remulla na si Co ay nasa immigration detention facility. RNT/JGC
