“NAHULI NA SI ZALDY CO.”‘ He is now detained in Prague after crossing into the Czech Republic without proper documentation and is currently in the custody of Czech authorities. We are in close coordination with the Czech government to ensure that all legal processes are followed and to arrange for his return to the Philippines at the soonest possible time. We will keep the public informed as developments unfold.’
‘Yan ang lumitaw na ulat sa bayan mismo ni Pangulong Bongbong Marcos noong Abril 16, 2026.
Matapos nito, sinabi ni Palace Press Officer Claire Castro na “God works in mysterious ways!” Hulog ng langit?
Kasunod nito ang pagsasabi naman ni Interior Secretary Jonvic Remulla na aabutin ng kung ilang linggo bago maibalik si Co sa Pinas.
Biglang entra naman si Atty. Harry Roque na nagsabing naglalabas ng fake news mismo si Marcos makaraang kumpirmahin mismo umano sa kanya ni Co na hindi siya inaresto.
Moments later, ehek, noong Abril 24, nagsalita si Department of Justice spokesman Polo Martinez at sinabing ‘di technically arrested kundi medyo may pagpigil lang sa kilos ni Co ng Czech authorities…at hindi pupwedeng gamitin ang arrest warrant ng Pinas sa Czech Republic dahil sa pagkakaiba ng hurisdiksyon dito.
Moments later, ehek ulit, 13 days later naman, habang naroron sa Czech Republic si Justice Secretary Fredderick Vida, sinabi nitong walang nakaaalam kung nasaan si Co ngayon at posibleng wala na ito sa nasabing bansa.
At maliwanag nitong sinabi na wala pang Interpol red notice laban kay Co at kailangan pang magsumite umano ang gobyerno ng Pinas ng mahahalagang dokumento na pagbabatayan ng Interpol sa paghanting at pag-aresto.
May salita pa si Vida na may mga susunod na kabanata.
Basta mag-ingat sa fake news…kahit pansamantalang fake.
