MANILA, Philippines – Narekober ng mga pulis ang motorsiklong umano’y ginamit ng dalawang suspek sa pananambang sa isang negosyante at sa kanyang driver sa Timog Avenue, Quezon City nitong Martes.
Natagpuan ang motorsiklo na inabandona sa Scout Rallos at kalaunan ay napag-alamang peke ang rehistro nito.
Ayon sa pulisya, posibleng may kaugnayan sa negosyo ng biktima ang motibo sa krimen. RNT
