MANILA, Philippines – Sinabi ni Economic Planning Secretary Arsenio Balisacan nitong Huwebes, Abril 30 na ang pinakahuling pagsadsad ng Philippine peso sa record-low levels laban sa US dollar ay dahil sa external factors, partikular ang paglakas ng US currency at pagtaas ng presyo ng produktong petrolyo.
Sa pahayag na binasa ni Undersecretary Claire Castro, Palace press officer, ipinaliwanag ni Balisacan na ang mahinang piso ay sumasalamin sa “overlapping factors” na hindi na kontrolado ng bansa.
Pangunahin umano rito ay ang ‘unusually strong US dollar’ na nag-aakit ng capital patungo sa US assets at palayo sa emerging markets katulad ng Pilipinas.
“This makes the peso weaker, simply because the dollar is rising faster,” aniya.
Ipinunto rin ng Department of Economy, Planning, and Development (DepDev) chief na ang pagtaas sa global oil prices ay isang key contributor lalo na ang dependence ng Pilipinas sa imports na nagpataas sa demand para sa dolyar.
Dahil dito ay lumawak ang trade and current account deficits ng bansa.
“In short, the peso depreciation reflects the rise of demand for dollars [from import payments and servicing of dollar-denominated debt] faster than the supply of dollars [from exports, remittances, and foreign investments],” dagdag ni Balisacan.
Nagsara sa P61.485 kada dolyar ang palitan kung saan umabot pa ito sa P61.75 kada dolyar sa intraday low nito, nalampasan ang dating rekord ng P61.67 kada dolyar. RNT/JGC
