UNITED STATES – Tutulungan ng Estados Unidos ang mga istranded na barko sa Strait of Hormuz, ayon kay US President Donald Trump.
Sa kanyang post sa Truth Social site, nagbigay si Trump ng ilang detalye tungkol sa operasyon kabilang ang paglahok ng US Navy dito.
Inilarawan niya ang hakbang bilang “humanitarian gesture” na layong tulungan ang neutral countries na hindi sangkot sa giyera.
“For the good of Iran, the Middle East, and the United States, we have told these Countries that we will guide their Ships safely out of these restricted Waterways, so that they can freely and ably get on with their business,” ani Trump.
Wala pang dagdag na impormasyon ang White House at Pentagon kaugnay nito. RNT/JGC
