MANILA, Philippines – NAGBALIK si Brian Keith Hosaka, dating executive director at tagapagsalita ng Independent Commission for Infrastructure (ICI), bilang commissioner ng Governance Commission for GOCCs (GCG).
Nanumpa si Hosaka pra sa kanyang bagong tungkulin sa harap ni Executive Secretary Ralph Recto, araw ng Miyerkules, Mayo 13, 2026.
Matatandaang, Setyembre 2025, itinalaga ni Pangulong Ferdinand Marcos Jr. si Hosaka bilang executive director ng ICI—nag-imbestiga sa di umano’y anomalya sa flood control projects.
Ang operasyon ng ICI ay tumagal lamang ng hanggang Marso 31, 2026, matapos na matupad nito ang mandato sa loob ng anim na buwan.
Bago pa ang maitalaga si Hosaka sa kanyang bagong posisyon, si Hosaka ay isa ng commissioner ng GCG—ang central advisory, oversight, at monitoring body para sa government-owned and controlled corporations sector.
Isa rin siyang dating tagapagsalita ng Korte Suprema. KRIS JOSE
