MANILA, Philippines – NAIBALIK na ang websites ng Presidential Communications Office (PCO) at Official Gazette matapos makaranas ng pansamantalang access disruption.
Sa isang joint statement, araw ng Miyerkules, sinabi ng Department of Information and Communications Technology (DICT) at PCO na ang websites ng PCO at Official Gazette ay “ganap ng naibalik” at accessible na ulit sa publiko.
“Users may, however, experience slightly slower page loading times than usual as system optimization continues,” ayon sa joint statement.
Sinasabing, ang dalawang websites ay naging ‘out of reach’ ng bandang alas-3 ng hapon, araw ng Martes.
“Clicking on the official links to the PCO (pco.gov.phhttp://pco.gov.ph/) and Official Gazette (officialgazette.gov.phhttp://officialgazette.gov.ph/) websites directed users to an error page, with a message stating that the pages have been blocked,” ayon pa rin sa joint statement.
Ang iba naman ay nakaranas na nakatanggap ng mensahe na “Error code 504: Gateway time-out” message.
Ayon sa DICT, ang National Computer Emergency Response Team (NCERT) ay kasalukuyang nagsasagawa ng isang massusi at malalimang imbestigasyon at naghahanda ng kinakailangang audit logs.
“DICT-NCERT is actively collaborating with the PCO to verify whether the earlier downtime was the result of scheduled maintenance, configuration updates, intentional administrative actions, or other external causes,”ang sinabi ni DICT.
Ang PCO ay ang nangungunang communications arm ng Office of the President of the Philippines, may tungkulin na iparating ang mensahe ng administrasyon at executive branch ng gobyerno.
Ang Official Gazette, pinangangasiwaan din ng PCO, ay ang public journal at pangunahing paglalathala ng gobyerno ng Pilipinas.
Samantala, ang Republic Act, nilagdaan ng Pangulo, Executive Orders, Proclamations, Administrative Orders, Memorandum Circulars at Memorandum Orders ipinalalabas ng OP, sa pamamagitan ng Executive Secretary, ay inilalathala sa Official Gazette website. KRIS JOSE
