MANILA, Philippines – Nagpatupad ang Philippine National Police (PNP) ng panibagong reassignment sa pitong senior officers at police generals na epektibo ngayong Biyernes, batay sa special order mula sa national headquarters.
Sa National Headquarters Special Order No. URA-2026-4698, inilipat si Police Brig. Gen. Arnold Ardiente mula Police Regional Office 12 patungo sa Directorate for Intelligence.
Si Police Brig. Gen. Edwin Balles ay inilipat mula Directorate for Intelligence patungo sa Anti-Kidnapping Group, habang si Police Brig. Gen. Josefino Ligan ay mula Police Regional Office 6 patungo sa Directorate for Operations.
Si Police Brig. Gen. Alan Manibog naman ay inilipat mula Directorate for Operations patungo sa Police Regional Office 12.
Kasama rin sa reorganisasyon si PNP spokesperson Police Brig. Gen. Randulf Tuaño na inilipat mula Office of the Chief PNP patungo sa Police Regional Office 6.
Si Police Col. Allen Rae Co ay inilipat mula Police Regional Office 2 patungo sa Office of the Chief PNP, habang si Police Col. Reynaldo Pasiwen ay mula Civil Security Group patungo sa Directorate for Intelligence.
Walang ibinigay na dagdag na paliwanag ang PNP sa dahilan ng naturang reshuffle. Santi Celario
