MANILA, Philippines – Ipinahayag ni Senator Francis “Kiko” Pangilinan na mas gusto ng Senate minority bloc na tinatawag na SB-11 o Solid Bloc 11 si Senator Sherwin “Win” Gatchalian na maging susunod na Senate President.
Ayon kay Pangilinan, “We, of the SB-11 or Solid Bloc 11, all want Senator Sherwin ‘Win’ Gatchalian to become Senate President.”
Dagdag niya, napatunayan daw ni Gatchalian ang kakayahan nitong protektahan ang pondo ng taumbayan, lalo na sa deliberasyon ng 2026 national budget.
“He has proven, especially during the deliberations on the 2026 national budget, that he can protect the people’s money and ensure that public funds go where they are most needed,” aniya.
Sinabi rin ni Pangilinan na si Gatchalian ay “competent, steady, and fair,” at maaaring magbuklod ng mas malawak at repormistang Senado.
“Principle-wise, Sen. Win is competent, steady, and fair. In realpolitik, he can unite a broader, reform-oriented Senate that is more balanced, more accountable, and acceptable even to some members of the current majority,” dagdag niya.
Ayon pa kay Pangilinan, maging si Senate President Alan Peter Cayetano ay nagsabi raw na maaari nitong suportahan si Gatchalian bilang Senate President.
Sa kasalukuyan, patuloy ang usapin sa posibleng pagbabago ng liderato sa Senado, habang may 13 miyembro sa majority bloc at 11 sa minority bloc.
May mga ulat din ng tensyon sa Senado matapos ang shooting incident noong May 13 at kasunod ng usapin sa arrest warrant ng International Criminal Court laban kay Sen. Ronald “Bato” dela Rosa. RNT/MND
