MANILA, Philippines – Bumaba ng humigit-kumulang 10,000 ang labor force sa Cordillera noong 2025, lalo na sa retail at mining sectors, dahil sa paghina ng economic growth, ayon sa Philippine Statistics Authority (PSA) sa isang forum noong Mayo 21.
Ayon kay Aldrin Federico Bahit Jr., chief statistician ng PSA Cordillera, ang labor force participation rate ay bumaba sa 832,000 (63.8%) noong 2025 mula 842,000 (65%) noong 2024.
Gayunman, nanatiling pinakamataas sa buong bansa ang employment rate ng rehiyon na nasa 97.3% (810,000 workers), sinundan ng Davao Region (97.1%) at Cagayan Valley (96.9%). Ang unemployment rate naman ay 2.7% o 23,000 katao, mula sa 21,000 noong nakaraang taon.
Bumaba rin ang underemployment sa 95,000 (11.7%) mula 106,000 (12.9%).
Ayon kay Bahit, tugma ito sa mas mabagal na economic growth ng rehiyon. Ang Gross Regional Domestic Product (GRDP) ng Cordillera ay 4.4% noong 2025 (P394.96B), mas mababa kaysa 4.9% noong 2024 (P378.44B).
Pinakamalaking pagbaba ng trabaho ay sa retail na may -7,200 workers, habang mining ay bumaba ng 3,900 at construction sector ay naapektuhan ng paghina ng proyekto.
Sa kabilang banda, tumaas ang trabaho sa agrikultura sa 307,000 mula 306,000, dahil sa mas aktibong farm production sa mga bundok na taniman sa Benguet na nagsusuplay ng gulay sa Luzon.
Tumaas din ang mga guro at education workers ng 2,100, habang bahagyang dumami ang self-employed at unpaid family workers.
Ayon sa PSA, ang mga pagbabago sa employment structure ay nagpapakita ng epekto ng mabagal na ekonomiya sa rehiyon noong 2025. RNT/MND
