MANILA, Philippines – Hindi napigilan ng bagong liderato ni Acting Senate President ProTempore Sherwin Gatchalian ang pagdaraos ng pagdinig ng Senate Blue Ribbon Committee na pinamunuan ni Senador Pia Cayetano ang pagpapatuloy ng pagdinig sa flood control scandal.
Nitong Huwebes ng umaga, pormal na binuksan ni Pia ang pagdinig kasama sina Senate President Alan Peter Cayetano, at sina Senador Imee Marcos at Rodante Marcoleta na itinalagang sub-committee chairman na mangunguna sa pagdinig.
“The Blue Ribbon Committee hearing is now called to order. Magandang umaga po sa inyong lahat Let me start by thanking every single person here. I’d like to thank the staff and our media friends for allowing this event to take place. The reason why I have to thank all of you is because dun sa first floor, may mga nagsasabing hindi pa papasukin ang resource persons natin,” giit ni Pia.
Naunang nagpalabas ng memoramdum si Gatchalian na inaatasan ang lahat ng opisyal at empleyado ng Senado na puwedeng mag”work-from-home” kaya’t hindi kailangan magtungo sa Senado upang gampanan ng kani-kanilang tungkulin.
Dahil dito, sinundo ni Pia ang ilang resource person na pilit hindi pinapapasok ng Office of the Sergeant-At-Arms (OSAA) dahil wala silang “Visitors Management System” QR Code.
“So kailangan ko po silang sunduin. nung sinunndo ko naman ang ating staff doon napakaayos naman humihingi naman ng mga pangalan mag-register daw sila as guests, sabi ko they’re our guests so walang problema, pinapasok ko sila maraming salamat sa inyo,” ayon kay Pia.
“Our media friends, you’re always welcome to cover pasensya na na parang nagkaroon ng konting gulo but definitely we do not in any way intend for any of you not to be able to cover our events here in the Senate anytime. On that note, nagulat lang ako kasi maayos naman. Sabi ko doon sa ating mga resource person NA halika na, sinusundo kita ko kayo. Let’s go in. Nagulat na LANG ako na nakita ko roon si Secretary Jonvic Remulla hinaharang ako,” giit ni Pia.
“I never thought the day would come that somebody would prevent me from entering the Senate. This is my office. Again, thank you. Di ko akalain na yung Senate staff, yung media, dahil nasama na kayo doon, kayo pang nakatulong na makarating ako dito sa hearing na ito. This is the Senate. This is the halls of democracy. We will hold our hearing and we will continue,” paliwanag ng senadora.
Habang isinusulat ang balitang ito, ipinagpapatuloy ni Marcoleta kasama sina SP Cayetano, at Marcos ang pagdinig sa testimonya ng 18 marines kasama ang kanilang abogado Atty. Levi Baligod.
Wala pang pahayag ang tanggapan ni Senador Erwin Tulfo na naitalagang bagong chairman ng grupo ni Gatchalian hinggil sa naturang pagdinig. Ernie Reyes
