MANILA, Philippines – Narekober ang isang buhay na manok sa gumuhong gusali sa Angeles City, Pampanga nitong Huwebes ng umaga, Hunyo 4, ayon sa Bureau Fire Protection (BFP) Central Luzon.
Sa update, sinabi ng BFP Central Luzon na ang manok ay narekober sa ilalim ng guho bandang 8:58 ng umaga sa search and retrieval operations.
“A live chicken, believed to belong to one of the workers affected by the incident, was recovered by responders during ongoing search and retrieval operations at the collapse site,” ayon sa ahensya.
“The chicken is believed to have triggered several life detector activations in the area over the past few days,” dagdag pa.
Hanggang nitong Miyerkules ng gabi ay nananatili sa 27 ang bilang ng mga nasawi at ang nasagip na indibidwal ay nasa 27. RNT/JGC
