Chavit inaresto sa reklamong cyberlibel

MANILA, Philippines – Inaresto nitong Huwebes, Hunyo 11 ang negosyante at dating Ilocos Sur Governor Chavit Singson kaugnay sa reklamong cyber libel.

Ayon sa Quezon City Police District (QCPD), si Singson ay inaresto sa kanyang tirahan sa Barangay Ugong Norte, Quezon City.

Ito ay kaugnay sa paglabag sa Cybercrime Prevention Act of 2012, na inisyu ng Branch 21, Regional Trial Court (RTC), Vigan City.

Sa kabila nito ay nakapagpiyansa naman si Singson ng P60,000 at pinalaya mula sa kustodiya ng QCPD Police Station 12. RNT/JGC