MANILA, Philippines – ISANG welcome development para sa Philippine Embassy sa Canada ang ‘additional flights’ ng Philippine Airlines (PAL) sa Canada para sa fourth quarter ng taon.
Sinabi ng embahada na nagsusumikap ang Pilipinas na paghusayin ang pang-ekonomiyang ugnayan at ang two-way tourism kasama ang estado.
Nakatakda kasing itaas ng PAL ang Manila–Vancouver services nito, mula 7 hanggang 10 weekly flights, simula sa Nov. 17; at ang Manila–Toronto services mula 3 hanggang 4 weekly flights sa Dec. 5.
“I welcome Philippine Airlines’ announcement of additional frequencies between Manila and Canada. It could not have come at a better time when the President is making a historic official visit to Canada,” ang sinabi ni Philippine Ambassador to Canada Jose Victor Chan-Gonzaga sa isang kalatas.
“As President Ferdinand R. Marcos Jr. and Prime Minister Mark Carney said in their Joint Statement yesterday, it is important to improve bilateral air services in order to further strengthen links and mobility for more economic and people-to-people ties,” aniya pa rin.
Sa kabilang dako, sinabi ni Chan-Gonzaga na doble ang pagsisikap ng embahada para makapanghikayat ng mas maraming Canadian visitors sa Pilipinas, nakikita ang Canada bilang isang “important source market” para sa dayuhang turista.
“The embassy continues to improve and enhance the annual Winter Escapade tourism program that takes place every February,” aniya pa rin. KRIS JOSE
