MANILA, Philippines – Pinuri ni House prosecution adviser at spokesperson Robert Ace Barbers si National Bureau of Investigation (NBI) Agent John Mark Calilung dahil sa pagiging matatag at kredible nito sa isinagawang cross-examination sa nagpapatuloy na Senate impeachment trial ni Vice President Sara Duterte.
Sinabi ni Barbers na hindi napahina ng pagtatanong ng defense ang kredibilidad ni Calilung sa halip ay patuloy itong nagbigay ng malinaw, direkta, at evidence-based na mga sagot.
“Agent Calilung demonstrated professionalism, competence, and composure throughout the proceedings,” ani Barbers. “Despite repeated attempts by the defense to cast doubt on his testimony, he remained unwavering and answered every question based on the facts and evidence gathered during the investigation.”
Ani Barbers ang performance ni Calilung sa ilalim ng cross-examination ay nagpatibay sa kredibilidad ng ebidensyang iniharap ng prosekusyon sa senate impeachment court.
“Our witnesses are prepared to withstand intense examination, and Agent Calilung’s testimony clearly demonstrated that the evidence supporting the Articles of Impeachment is grounded on facts, not speculation.”giit pa nito.
Ala 5:00 ng hapon ay natapos ang ikatlong araw ng impeachment hearing at babalik ito muli sa Lunes, July 13.
Hiniling ng House prosecution sa impeachment court na magpalabas ng subpoena ad testificandum para atasan sina NBI Director Melvin Matibag at OVP Chief of Staff Zuleika Lopez na dumalo sa susunud na hearing. Gail Mendoza
