MANILA, Philippines – KAAGAD na sumabak na sa trabaho si Cabinet Secretary Benhur Abalos.
Sa katunayan ay nag first public appearance na si Abalos kasama si Unang Ginang Liza Marcos ngayong umaga, araw ng Biyernes, Hulyo 10, sa Mandaluyong na kung saan ay namahagi sila ng libreng bigas sa may 3,100 beneficiaries sa ilalim ng Mula sa Puso para sa Pamilya initiative.
Sinabi ng Kalihim, malaking trabaho ang ibinigay sa kanya ni Pangulong Marcos bilang cabsec gayung bukod sa gagawing koordinasyon para sa Cabinet meetings ay bibisitahin niya ang ibat- ibang mga komunidad at makikinig sa public concern.
Aniya pa, kasama din sa kanyang mandato na siguraduhing naipatutupad ng epektibo ang mga proyekto ng pamahalaan sa buong bansa.
Tiniyak ni Abalos na ipararamdam nila hanggang sa kasuluk-sulukan ng bansa ang mga programa ng gobyerno at titiyakin nilang maibababa at paiigtingin ang serbisyo sa Luzon, Visayas, at Mindanao. KRIS JOSE
