MANILA, Philippines – Sinupalpal ni Senador Panfilo “Ping” Lacson nitong Sabado, Hulyo 18, si dating Senate President and Alan Peter Cayetano sa pagpapahiwatig nito na siya ay yumaman sa pamamagitan ng “budget insertions.”
Sa pahayag na inisyu, sinabi ni Lacson na lehitimo ang pinagmulan ng kanyang yaman sa pamamagitan ng negosyo at hindi umasa sa kickback sa gobyerno.
Sinabi pa ng senador na mayroong mga ghost flood control projects sa Taguig City na balwarte ni Cayetano.
“Let me correct Sen. Alan Cayetano’s latest ‘live selling’ on FB using wild insinuations and black propaganda against me. Hindi nag-doble ang net worth sa SALN ko in 2025 compared to 2022 when I left the Senate,” ani Lacson.
“Actually, more than four times ang increase at P244.9 million compared to P58.7 million in 2022 – the year I left government.”
“I paid P10.5 million and P2.8 million (in taxes) respectively as reflected in my ITRs (income tax returns).”
“Unlike Sen Cayetano with P6.79B in budget insertions under the 2025 GAA, (I have no) insertions a.k.a. pork barrel since I became a senator. (And I do not have any) 25% kickback (for) slope protection and other infra projects. I don’t know about him, but I have consistently refused lobby monies in relation to my job as a legislator,” dagdag pa nito.
“And yes, re Blue Ribbon hearings, huwag siyang mainip, meron ding ‘ghost’ sa Taguig.”
Wala pang tugon si Cayetano kaugnay ng pahayag ni Lacson.
Samantala, pinuna rin ni Presidential Communications Office Usec. Claire Castro ang mga pinakabagong alegasyon ni Cayetano laban sa administrasyong Marcos.
“Bakit hindi kaya makapagpigil sa sarili si Sen. Alan Cayetano sa paggawa ng intriga at mga kwentong walang basehan? Imbis na ituro ang sarili sa kanyang kapabayaan sa pagtatrabaho, magtuturo siya ng iba masagip lang ang sarili sa kahihiyan,” aniya.
“Ang trabaho niya na di niya magampanan ay ipapasa sa iba. Ebidensya ang ibibigay namin panlaban sa mga kasinungalingan ni Sen. Alan.” RNT/JGC
