MANILA, Philippines – Bumaba ang trust rating ni Pangulong Ferdinand Marcos Jr. sa 34% habang hindi nagbago ang trust rating ni Vice President Sara Duterte sa 57% ayon sa pinakahuling survey ng Social Weather Stations (SWS).
Ang survey ay isinagawa sa ikalawang quarter ng 2026 kung saan nakita na 34% lamang ng mga Filipino ang nagsabing sila ay may “much trust” kay Marcos.
Samantala, 45% naman ng mga Filipino ang nagsabing sila ay may “little trust” sa Pangulo at 19% ang undecided.
“The latest figures continue a downward trend from the President’s 64 percent trust rating in July 2024. Trust steadily declined throughout 2025, briefly recovering to 48 percent in June 2025 before falling again over the succeeding months to 34 percent in the latest survey,” ayon sa SWS.
Samantala, sa kaparehong survey ay nakita na 57% ng mga Filipino ang may “much trust” kay Duterte, habang 27% ang nagsabing sila ay may “little trust” at 15% ang “undecided.”
“The survey found that 57 percent of Filipinos said they had much trust in the Vice President in June 2026, unchanged from March this year,” sinabi ng SWS.
“However, the number of people who said they had little trust in her rose by five percentage points to 27 percent, while 15 percent were undecided,” dagdag pa nito.
Ang SWS survey ay isinagawa sa pamamagitan ng face-to-face interviews sa 1,200 Filipino adults gamit ang structured questionnaire na may visuals.
May error margin itong ±3% para sa national percentages, ±6% para sa Metro Manila, Balance Luzon, Visayas, at Mindanao, at may 95% confidence level. RNT/JGC
