MANILA, Philippines — Kinansela ang ilang biyahe ng barko sa Bohol, Masbate, Eastern Leyte at Samar nitong Biyernes, Hulyo 24, dahil sa maalon na karagatan dulot ng Tropical Storm Kiyapo, ayon sa Philippine Ports Authority (PPA).
Kabilang sa mga nakanselang biyahe ang:
–Bohol: Super Shuttle Ferry 28 (Jagna–Balbagon) at Sunriser 2 (Getafe–Cordova)
–Masbate: Lahat ng fast craft ng Montenegro Shipping Lines mula Masbate Port patungong Pilar, Sorsogon
–Eastern Leyte at Samar: MV SanRic Ferry 20 (San Ricardo–Lipata)
Samantala, nagtaas ang PAGASA ng yellow rainfall warning sa Abra, Kalinga, Ilocos Sur, Isabela, La Union, Benguet, Occidental Mindoro, Antique, Iloilo, Guimaras, Negros Occidental, at Palawan, kung saan inaasahan ang 50 hanggang 100 millimeters ng ulan dulot ni Kiyapo.
Sinuspinde rin ng Coast Guard District Palawan ang lahat ng biyahe ng mga barko at motorboat sa mga bayan ng Rizal, Quezon, at Balabac hanggang sa susunod na abiso. Jocelyn Tabangcura-Domenden
