MANILA, Philippines — Tinanggap ng mga grupo ng negosyo ang pagtutok ni Pangulong Ferdinand Marcos Jr. sa pang-araw-araw na suliranin ng mga Pilipino sa kanyang ikalimang State of the Nation Address, ngunit kinuwestiyon nila kung paano popondohan ang mga tax relief at iba pang pangako nang hindi ipinapasa ang gastos sa pribadong sektor.
Sinabi ni Management Association of the Philippines President Donald Lim na natalakay ng Pangulo ang presyo ng pagkain, trabaho, kalusugan, singil sa kuryente, buwis at suporta sa maliliit na negosyo.
“For the first time, I felt he was really talking to the Filipino people,” ani Lim. “He focused on immediate household concerns… It was a good laundry list. I think he checked most of the boxes.”
Gayunman, sinabi ni Lim na kailangang suportahan ang mga panukala ng sapat na pondo, reporma at pamumuhunang magpapataas sa produktibidad.
“If you’re giving a lot of tax relief, then who pays? Where will the money come from?” tanong pa niya.
Iminungkahi ni Marcos ang income tax exemption para sa mga kumikita ng hanggang P350,000 kada taon at karagdagang tax relief para sa middle class.
Nagbabala si Lim laban sa pagpapasa ng gastos sa mga negosyong nahaharap na sa mataas na presyo ng kuryente, geopolitical uncertainty at mahinang paggastos ng mga mamimili.
“Hopefully, it’s not at the expense of the private sector. Right now, businesses are already under heavy stress from high energy costs, geopolitical uncertainties, and weak consumer spending.”
Sinabi rin niyang hindi dapat maantala ng kampanya laban sa korupsiyon ang mga lehitimong proyektong pang-imprastraktura.
“Infrastructure spending is very important. It cannot be put on hold.”
Ayon kay Lim, nagiging dahilan din ang political uncertainty upang ipagpaliban ng ilang dayuhang mamumuhunan ang kanilang mga plano.
“They tell us: Let’s wait and see. We still believe in you, but let’s wait for some level of stability and predictability in your country.”
Sinabi naman ni Foreign Buyers Association of the Philippines President Robert M. Young na kulang ang naging pagtutok ng SONA sa manufacturing, exports, ease of doing business at power diversification.
Inilarawan din ni IBON Foundation Executive Director Sonny Africa ang SONA bilang “underwhelming,” dahil hindi umano nito tinugunan ang mga estruktural na suliranin ng ekonomiya.
“The President’s SONA enlisted a lot of micro measures, but considering the scale of the problem… the major shifts that need to be done aren’t going to be done.”
Sinabi ni Africa na nananatiling malaking hadlang sa kompetitibidad ang mataas na singil sa kuryente. Bagama’t iminungkahi ni Marcos ang pagrepaso sa Electric Power Industry Reform Act, sinabi niyang limitado lamang ang epekto ng pagbabawas sa system loss charges.
“The real reason why Philippine electricity is the most expensive in Asia is the dependence on imported fuels, expensive generation costs, and the structure of the power sector.”
Ayon kay Lim, sa pagpapatupad huhusgahan ang administrasyon.
“It’s easy to make promises. It’s easy to say a lot of things. The check for the final SONA is how many of these will you really accomplish.” Dave Baluyot
