MANILA, Philippines – Sinabi ni US Ambassador to the Philippines Lee Lipton na pinabibilis ng Pilipinas at Estados Unidos ang Pax Silica initiative, na aniya’y isa sa pinakamahalagang pinagsasaluhang proyekto ng dalawang bansa.
Sa kanyang post sa X noong Hulyo 31, sinabi ni Lipton na nagkaroon siya ng “GREAT meeting” kasama si Executive Secretary Ralph Recto, kung saan tinalakay ang pagpapabilis ng Luzon Economic Corridor at Pax Silica.
“Just had a GREAT meeting with Executive Secretary Ralph Recto, one of the Philippines’ top economic leaders! We’re moving FAST on the Luzon Economic Corridor and Pax Silica – HUGE priorities for America and our Filipino #PartnersInProsperity,” sabi ni Lipton.
Nauna rin niyang sinuportahan ang pahayag ni Defense Secretary Gilberto Teodoro Jr., na nagsabing ang Pax Silica ay “a step toward national resilience.”
Sa kanyang SONA, sinabi ni Pangulong Ferdinand Marcos Jr. na ang Pax Silica Industrial Hub ay magiging sentro ng artificial intelligence (AI) at advanced manufacturing.
“The Pax Silica Industrial Hub will create an ecosystem that will have AI at its core,” sabi ni Marcos.
“It will bring quality jobs to our people, accelerate our industrial competitiveness, and revitalize our economy.”
Ang Pax Silica Economic Security Zone ay planong proyekto ng Pilipinas at US sa ilalim ng Luzon Economic Corridor na nakatuon sa semiconductors, AI, critical minerals processing, advanced manufacturing, at digital infrastructure upang makahikayat ng pamumuhunan at makalikha ng de-kalidad na trabaho.
Gayunman, may mga grupong nag-aalala sa posibleng epekto nito sa tubig, kuryente, kapaligiran, lupang agrikultural, at kabuhayan ng mga magsasaka, pati na sa papel ng mga dayuhang mamumuhunan.
Ayon sa Malacañang, ipatutupad ang proyekto alinsunod sa batas ng Pilipinas, may environmental safeguards, at hindi isusuko ang kontrol ng bansa sa mga kritikal na likas na yaman o kahit isang pulgada ng teritoryo nito. RNT/MDS
