MANILA, Philippines – Pinagmulta ng Department of Labor and Employment (DOLE) sina dating Ateneo men’s basketball head coach Thomas Anthony “Tab” Baldwin at Ateneo de Manila University (ADMU) ng kabuuang P4.9 milyon dahil sa paglabag sa work permit rules.
Ayon sa DOLE, lumabag sina Baldwin at ADMU sa Article 40 ng Labor Code.
“This office hereby finds Mr. Thomas Anthony ‘Tab’ Baldwin and Ateneo de Manila University to be administratively liable for separate violations of Article 40 of the Labor Code, as amended and renumbered in its implementing rules and regulations.”
Inamin ni Baldwin sa pagdinig noong June 29 na wala siyang Alien Employment Permit (AEP) habang nagtatrabaho bilang coach sa Pilipinas mula 2013.
Bagama’t sinabi ng kanyang abogado na exempted siya dahil permanent visa holder siya, sinabi ng DOLE na kailangan pa rin niyang kumuha ng Certificate of Exemption (COE) simula Enero 2025, ngunit hindi siya nakapag-apply o nakakuha nito.
Dahil dito, pinagmulta sina Baldwin at ADMU ng tig-P10,000 para sa paglabag sa AEP requirement noong panahon ng kanyang pagtatrabaho sa Ateneo mula Disyembre 1, 2015 hanggang Setyembre 28, 2016.
Bukod dito, pinagmulta rin sila ng P4.9 milyon dahil sa hindi pagkuha ng COE mula Pebrero 10, 2025 hanggang Hunyo 15, 2026, ang araw ng kanyang pagbibitiw bilang head coach.
“For failure to secure a certificate of exemption under the DO [department order] 248 series of 2025, Mr. Thomas Anthony Baldwin and ADMU are jointly and solidarily liable to pay an administrative fine in the total amount of P4,900,000.”
Ire-refer din ng DOLE ang desisyon nito sa Bureau of Immigration para sa posibleng summary deportation proceedings laban kay Baldwin.
“Finally, without prejudice to civil, administrative or criminal complaints pending before other investigative agencies or the courts of law against Mr. Baldwin, this matter is hereby referred to the Bureau of Immigration and Deportation for summary deportation proceedings.” Jocelyn Tabangcura-Domenden
