MANILA, Philippines – Walang anumang pangyayari ang makakapag postpone sa BARMM elections ayon sa Commission on Elections (Comelec).
Nanindigan ang Comelec na tuloy ang Bangsamoro Autonomous Region in Muslim Mindanao Parliamentary Elections sa September 14, 2026.
Sa kabila ito ng nangyaring pananambang sa interim chief na si Abdul Raof Macacacua.
Binigyang-diin ni Comelec Chairman Erwin George Garcia na wala silang nakikitang anumang dahilan para ipagpaliban ang nasabing eleksyon, kahit ito ay may kinalaman sa violence, terrorism o kahit force majure.
Ayon pa kay Garcia ikinalulungkot nila ang nasabing insidente pero maliban dito ay napaka mapayapa ang sitwasyon sa BARMM at walang anumang election related incident maliban sa naturang ambush.
Kaya naman tiniyak ng opisyal na hindi papatinag ang Comelec sa anumang plano ng mga nag nanais na ipahinto ang BARMM parliamentary elections. Jocelyn Tabangcura-Domenden
