MANILA, Philippines – Inaresto ng mga awtoridad si Marantao, Lanao del Sur Vice Mayor Ali Eskandar Unte Alonto III sa kasong murder at frustrated murder kasunod ng operasyon sa Iligal City.
Sa pahayag nitong Sabado, Agosto 22, sinabi ng PNP na nasa kustodiya ng pulisya si alyas Bimmy Alonto, 36-anyos, sa operasyong isinagawa ng intelligence personnel at Lanao del Sur police umaga ng Biyernes.
Isinagawa ang operasyon sa isang inn sa Barangay San Miguel, Iligan City matapos na makumpirma ng police intelligence units at tracker trams ang presensya ng opisyal sa lugar.
Si Alonto ay subject ng arrest warrant para sa kasong murder na walang inirekomendang piyansa, at hiwalay na kasong frustrated murder na may P200,000 piyansa. Ito ay inisyu ng Regional Trial Court-Branch 44 sa Initao, Misamis Oriental.
Ayon sa PNP, si Alonto ay most wanted individual sa Marantao Municipal Level, Top 3 sa Lanao del Sur Provincial Level, at Top 4 sa Regional List of Wanted Persons of Police Regional Office sa Northern Mindanao.
Wala pang tugon ang opisina ni Alonto kaugnay nito. RNT/JGC
