MANILA, Philippines – Naghain si Senador Loren Legarda nang ikatlong extension sa kanyang medical leave sa Senado simula nang lumipad patungong France noong Agosto 2 matapos ihayag ng Office of the Ombudsman ang kasong kinahaharap nito sa solar franchise ng anak.
Base sa records ng Senado, sinabi ni Senate Secretary Renato Bantug na pinalawig ni Legarda ang kanyang medical leave hanggang Setyembre 2.
Ipinadala ng tanggapan ni Legarda ang extension notice sa kanyang medical leave sa plenary session at impeachment trial ni Vice President Sara Duterte mula Agosto 24 hanggang September 2, 2026.
“Office of Sen. Legarda sent notice today that the Senator shall be on medical leave from August 24 to 26 and September 1 to 2,” ayon kay Bantug sa panayam.
Matatandaan na ikaapat nang beses nagpaalam si Legarda simula nang lumipad sa France noong Agosto 2 ayon sa intelligence report ng National Bureau of Investigation (NBI), una noong August 3 to 5, August 11 to 12, at August 17 to 19.
Ngayon, simula Agosto 24 hanggang September 2.
Ayon sa NBI, umalis si Legarda noong Agossto 2 patungong France matapos ipahayag ng Office of the Ombudsman na nahaharap siya kasama ang anak na si Batangas First District Rep. Leandro Leviste, sa preliminary investigation hinggil sa kasong graft at plunder sa sinasabing “ghost” solar projects na nagkakahalagang mahigit P10 billion.
Mahigpit na pinabulaanan ni Legarda amg alegasyon sa pagsasabing “utterly false and baseless.” Ernie Reyes
