MANILA, Philippines – Sinibak ni Public Works Secretary Vince Dizon ang isang maintenance chief kasunod ng report ng mga delay na pagtugon nito sa kalamidad.
Sa August 29 memorandum, ipinag-utos ni Dizon ang pag-relieve kay engineer Loreto Balena Jr. bilang maintenance chief ng Las Piñas-Muntinlupa District Engineering Office.
Tinukoy ni Dizon ang “unsatisfactory performance, lack of urgency, and delayed response to calamities” ni Balena bilang grounds para sa pag-aalis sa kanya.
Si Balena ay inatasang kumpletuhin ang inventory ng kanyang mga pag-aari sa opisina, tapusin at pirmahan ang mga pending na dokumento at deliverables, at iturn-over ang official records at iba pang papeles.
Samantala, hinimok naman ni Senador JV Ejercito ang Department of Public Works and Highways (DPWH) na kumpletuhin ang mga hindi pa tapos na flood control projects bago simulan ang mga bago at sinabing ang mga hindi tapos na imprastruktura ang nagpapalala sa mga pagbaha sa bansa.
“For practical reasons, we need to close the gaps so that mitigating or solving flood control would be effective,” ani Ejercito, chairman ng Senate finance committee, sa panayam ng DZBB nitong Linggo, Agosto 30.
“Close the gaps, complete the unfinished flood control projects. No new projects. Finish what needs to be finished,” dagdag pa niya. RNT/JGC
