PASAY CITY, Philippines – Pinangunahan ni Sen. Risa Hontiveros ang pinagsamang pagdinig ng mga komite ng Senado sa Health and Demography; National Defense and Security, Peace, Unification and Reconciliation; at Finance hinggil sa mga panukalang batas para sa pagtatatag, pagpapalit ng pangalan, pag-a-upgrade at pagpapalawak ng mga ospital nitong Huwebes.
Nakatuon ang pagdinig sa mga panukalang magpapalakas sa kapasidad at serbisyo ng mga ospital upang mas mapalapit at mapabuti ang serbisyong pangkalusugan para sa mga Pilipino.
Bilang chairperson ng Senate Committee on Health and Demography, patuloy na itinutulak ni Hontiveros ang mga hakbang para mapalawak ang kapasidad ng mga pampublikong ospital at mapabuti ang access sa healthcare. Kabilang dito ang mga panukalang naglalayong mapabilis ang pagpapalawak ng hospital capacity sa bansa. RNT/MDS/larawan kuha ni Cesar Morales
