MANILA, Philippines – Nagpahayag ng matinding pagkadismaya si Senador Juan Miguel Zubiri sa karahasan at umano’y dayaan na bumalot sa kauna-unahang BARMM parliamentary elections nitong September 15, 2026.
“I am deeply appalled and dismayed by the horrible violence and disturbing reports of fraud that have cast a dark shadow over the first BARMM parliamentary elections,” ani Zubiri.
“Matagal na itong hinintay ng Bangsamoro people, at pagkatapos ng apat na postponements, this election should finally have been a celebration of democracy and self-determination, not a battleground or a source of further bloodshed.”
Bilang ama ng Bangsamoro Organic Law (BOL), masakit aniya para sa kanya na makita ang mga nangyari.
“As the father of the Bangsamoro Organic Law, masakit para sa akin na makita itong mangyari. This is not what I envisioned for the BARMM, dahil napakahaba ng prosesong pinagdaanan natin at napakaraming taon ng dialogue, negotiation and peacebuilding ang ipinuhunan para makarating tayo sa araw na ito.”
“The Bangsamoro people fought long and hard for the right to determine their own future, kaya hindi dapat agawin ng dahas, pananakot o pandaraya ang karapatan nilang malayang piliin ang kanilang mga lider,” dagdag niya.
Nababahala si Zubiri sa mga ulat ng patayan, pamamaril, pagsabog, paninira ng pampubliko at pribadong ari-arian, ballot tampering, intimidation at vote-buying sa makasaysayang halalan.
“It will be another black-eye for the country in the international community,” aniya.
Gayunman, pinuri niya ang mga Bangsamoro voters na tumuloy pa rin sa pagboto sa kabila ng takot.
“Every Bangsamoro voter deserves to cast a ballot freely and to have that vote counted exactly as it was cast, kaya sa kabila ng mga nangyari, saludo ako sa ating mga Bangsamoro brothers and sisters who still went out and exercised their right to vote. Salamat sa mga nanindigang bumoto at hindi kayo nagpatakot para ipakita na kayo mismo ang dapat pumili ng inyong mga lider at humubog sa kinabukasan ng Bangsamoro,” ani Zubiri.
Nanawagan din siya sa COMELEC na busisiing mabuti ang lahat ng credible reports ng electoral fraud, intimidation at iregularidad, at tiyaking tanging lehitimong boto lamang ang isasama sa final count.
Hinimok din niya ang Bangsamoro government at Philippine National Police na mabilis na aksyunan ang bawat insidente ng election-related violence at papanagutin ang mga responsable sa ilalim ng batas.
“Let us protect the gains of peace, defend the integrity of this historic election and make sure that, when all the votes are counted, ang tunay na boses ng Bangsamoro people ang mananaig,” pagtatapos ni Zubiri. Ernie Reyes
