Pix ng kasal ng ex-hubby ni Ai Ai, viral!

Manila, Philippines – Ikinasal na ang dating asawa ni Ai Ai de las Alas na si Gerald Sibayan sa non-showbiz dyowa nitong si Nadine.

Viral kasi sa social media ang mga wedding photos nila.

Naging paksa din ito ng online program na Showbiz Updates kung saan ipinakita ang mismong seremonya ng kasal.

Naganap ang pag-lisang-dibdib nina Gerald at Nadine sa San Francisco City Hall sa US.

Aminado si Ogie Diaz na wala siyang gaanong detalye tungkol sa kasal maliban sa tiniyak niyang naganap nga ito.

March nang naulat na divorced na sina Ai Ai at Gerald–isang taon makaraang kumpirmahin ng Comedy Queen na hiwalay na sila.

Bagama’t Ai Ai has yet to comment on Gerald marrying Nadine, tila ine-expect na niya ito na mangyayari.

February 2025 noong ibalita ni Ai Ai ang pagbili ni Gerald ng singsing sa bago nitong karelasyon.

Tinawag ni Ai Ai na “cheater” ang estranged husband.

Matatandaan ding nakipagkalas si Gerald kay Ai Ai through Messenger.

This was on Ai Ai’s 60th birthday two years ago. Ronnie Carrasco III