PAMPANGA – Idineklara ang buong Central Luzon (Region 3) na isang mapayapang rehiyon, bilang nasa State of Stable Internal Peace and Security.
Bunsod ito ng patuloy pagtutulungan mga Local Government Unit, ahensiya ng Pamahalaan at Security Sector na binubuo ng PNP, Armed Forces of the Philippines at iba pang Law Enforcement Agencies Kaugnay sa pagpapanatili ng kapayapaan at seguridad sa rehiyon.
Ang naturang deklarasyon ay matapos pormal na aprubahan at nilagdaan ang isang resolusyon sa ginanap kamakailan sa 3rd Quarter Conference ng Regional Peace and Order Council lll (RPOC III).
Pinangunahan ni RPOC III Chairperson at Zambales Governor Hermogenes Ebdane Jr., DILG Region 3 Director Araceli San Jose, Central Luzon Police Director Brigadier General Jess Mendez, at Philippine Army Brigadier General Mario Jacinto na kumatawan Kay RPOC III Co-Vice Chairperson at 7th Infantry Division, Philippine Army, Commander Major General Joseph Norwin D.Pasamonte.
Kabilang sa mga nakasaksi sa naturang okasyon Kaugnay sa deklarasyon si North Luzon Command (NOLCOM), AFP-PA Deputy Commander B/Gen Dean Mark Mamaril.
Ang naturang deklarasyon ay bunga ng umano’y mga programa at inisyatiba na ipinatutupad ng RPOC III na layong matiyak ang kapayapaan at seguridad sa Gitnang Luzon.
Naisakutaparan ito sa pamamagitan ng mga ambag sa RPOC III sa patuloy na koordinasyon at pagpapatatag ng 7ID Philippine Army, PNP, Joint Regional Task Force to End Local Communist Armed Conflict (JRTF-ELCAC3), mga Lokal na Pamahalaan sa rehiyon, Government agencies at iba pang stakeholders para matiyak ang kapayapaan at seguridad ng mamamayan sa Gitnang Luzon. ROEL TARAYAO
