MANILA, Philippines – Sinimulan na ng Philippine National Police (PNP) ang malawakang information drive tungkol sa online safety sa mga komunidad at paaralan bilang bahagi ng kampanya nitong protektahan ang mga netizen.
Ayon kay PNP chief Gen. Jose Melencio C. Nartatez Jr., layunin nito na palakasin ang community-based crime prevention programs at public safety sa pamamagitan ng mas malapit na pagtutulungan ng mga ahensya ng gobyerno, lokal na grupo at mamamayan.
Inatasan ang mga police unit na ipagpatuloy ang cyber safety awareness activities sa mga paaralan, barangay, unibersidad at komunidad. Nagsagawa rin ng nationwide information drive ang mga police cybercrime unit mula Setyembre 11 hanggang 18 sa Quezon, Ilocos Norte, Catanduanes, Aklan, Negros Island Region, Zamboanga City, Sarangani at ilang bahagi ng Northern Mindanao.
“Cyber safety awareness must reach people where they live, study, and work. We need to bring practical guidance closer to our communities because prevention starts with knowledge,” ani Nartatez.
“Our police units must continue working with schools, barangays, local governments, and other stakeholders so our people can recognize online risks and know what to do when they encounter them,” dagdag niya.
Kabilang sa mga tinalakay ang online scams, kahina-hinalang links at messages, cyberbullying, maling paggamit ng personal information, unsafe online interactions, cybersecurity threats at online radicalization.
Ayon kay Nartatez, mahalagang palakasin ang awareness sa mga paaralan at komunidad dahil naging bahagi na ng pang-araw-araw na buhay ang digital platforms para sa komunikasyon, edukasyon at negosyo, lalo na para sa mga kabataan na maaaring maging vulnerable sa online threats.
“Cyber safety is a shared responsibility. The PNP will continue to educate, assist, and act against those who use technology to harm others but every Filipino also has a role in keeping our digital spaces safe,” dagdag niya. RNT/MDS
