MANILA, Philippines – Dalawang bank account ng isang banana chips company na pagmamay-ari rin ni Atty. Manases Carpio, asawa ni Vice President Sara Duterte, ang isinara noong Hulyo 2026 — kaparehong buwan kung kailan nagsimula ang impeachment trial ng bise presidente, ayon sa inilantad sa Senate Impeachment Court nitong Miyerkoles.
Sa pagtatanong ni Senator-judge Francis “Kiko” Pangilinan, kinumpirma ng prosecution witness at Security Bank Branch Banking Group Head Leslie Cham na may 2 peso-denominated checking accounts ang Calle88 Foods Corp. sa bangko, at parehong isinara noong Hulyo 2026.
Detalye ng mga account:
Account ending 2013 – binuksan noong Agosto 2024. May ending balance na P332,530.95 noong 2024 at P16,987.59 noong 2025.
Account ending 8581 – binuksan noong Oktubre 2025. May ending balance na P21,164.27 sa taong iyon.
“Both closed in July 2026,” ani Cham.
Nang tanungin ni Pangilinan kung may record ang bangko ng monthly transactions ng kumpanya mula 2024, sinabi ni Cham na wala.
“These are all system-generated, and I don’t look into the day-to-day transactions of it. So I was not able to have that transaction in place,” paliwanag niya.
Binanggit ni Pangilinan na binuksan at isinara ang dalawang account habang nakaupo na si Duterte bilang bise presidente.
“So from 2024 to 2025 to 2026, it would be interesting to get the information as to the amounts that went in and out, considering that in the AMLC (Anti-Money Laundering Council) report, about P319 million went in for transactions from China,” sabi ng senator-judge.
“So we don’t know if that was through the peso account or if that was through the dollar account. That would be something that is worthy of looking into, honestly,” dagdag niya. Ernie Reyes
