MANILA, Philippines – Naaresto sa bisa ng warrant of arrest ang natitirang miyembro ng Masikat gun-for-hire na nasa listhan ng No. 1 Most Wanted Person sa Regional Level sa isinagawang operasyon sa Payatas, Quezon City.
Ayon sa report ng pulisya, kinilala ang naarestong suspek na si alyas Jonathan, No. 1 Most Wanted Person (MWP) at natitirang miyembro ng Masikat Gun-For-Hire group.
Base sa ulat, dakong alas-9:30 ng gabi isinilbi ang limang warrant of arrest na bitbit ng Kawit Municipal Police Station kasama ang PIT Cavite RIU 4A (Intel Packet Provider) at Police Station 13 Payatas Bagong Silangan Police Station, QCPD sa N0. 14 Matapang St., Brgy Payatas, na nagresulta sa pagkakaaresto sa suspek.
Kabilang sa mga kasong kinakaharap ng suspek ay Robbery with Homicide na inisyu ni Hon. Gian Enrico Cammayo Navarro, Presiding Judge, Regional Trial Court, 4th Judicial Region, Branch 133, Tagaytay City at Robbery with Homicide na inisyu ni Hon. Michael Maranan, Presiding Judge, Regional Trial Court, 4th Judicial Region, Branch 134, Tagaytay City, Cavite; Robbery with Homicide na inisyu ni Hon. Jaime B. Santiago, Acting Presiding Judge, Regional Trial Court, 4th Judicial Region, Branch 18, Tagaytay City, Cavite; Robbery with Homicide na inisyu ni Hon. Jaime B Santiago, Acting Presiding Judge, Regional Trial Court, 4th Judicial Region, Branch 18, Tagaytay City, Cavite at Murder na inisyu ni Hon. Edwin B. Larida, Presiding Judge, Regional Trial Court, 4th Judicial Region, Branch 18, Tagaytay City, Cavite na pawang walang inirekomendang piyansa.
Napag-alaman na si alyas Jonathan ay ang natitirang miyembro ng MASIKAT Gun-for-Hire Group sa sangkot sa gun-for-hire activities at illegal drugs na nag-ooperate sa Silang, Cavite at sa buong lalawigan ng Cavite. MARGIE BAUTISTA
