MANILA, Philippines – NANAWAGAN ang mga opisyal ng gobyerno ng Pilipinas at United Nations (UN) para sa mas malakas na regional cooperation, dinagdagan na climate financing at mas mabilis na implementasyon ng renewable energy projects para palakasin ang energy security at labanan ang climate change sa Asya.
Sa pagsasalita sa inaugural Accelerating Clean Transitions in Asia (Asia ACT) Forum, sinabi ni Office of the Executive Secretary Senior Deputy Executive Secretary Maria Lualhati Dorotan Tiuseco na maaaring i-translate ng gobyerno ang climate commitments sa konkretong proyekto na makapaghahatid ng mga konkretong prioyekto sa komunidad.
“What we need now is clear execution and delivery of our promises into real progress and sustainability that they can feel,” ang sinabi ni Tiuseco.
Aniya, hangad ng administrasyon ni Pangulong Ferdinand R. Marcos Jr. ang malinis na energy transition para palakasin ang energy security, lumikha ng economic opportunities at protektahan ang mga komunidad mula sa climate-related risks.
Layon ng gobyerno na itaas ang share ng renewable energy sa power generation mix ng 35% sa 2030 at 50% sa 2040.
Para maabot ang mga nasabing target, tinuran ni Tiuseco ang mga polisiya na magbibigay pahintulot para sa full foreign ownership ng renewable energy ventures, digital permitting sa pamamagitan ng Energy Virtual One-Stop Shop at investments sa ilalim ng Green Energy Option Program.
Ginagawa rin aniyang modernisado ng gobyerno ang electricity grid para ma-accommodate ang energy storage, pinagsamang teknolohiya at electric mobility.
“However, financing constraints and regulatory bottlenecks continue to hamper clean energy development,” anito sabay sabing “We need to turn ambition into concrete, bankable projects that investors can support.”
Binigyang diin ni Tiuseco ang pangangailagan na palakasin ang local government capacities, i-mobilize ang private investments at bigyan ang mga manggagawa ng skills training para masiguro na makikinabang ang mga komunidad mula sa transisyon.
Tinukoy din nito ang naging pag-uusap ukol sa halos P2 billion na karagdagang pondo para sa solar irrigation projects ngayong taon, binigyang diin na sanayin ang mas maraming manggagawa kabilang na ang mga magsasaka, sa renewable energy technologies.
“My dear friends, we cannot ask people to embrace change while leaving them uncertain about how they will earn a living,” anito.
Sinabi naman ni UN Resident Coordinator in the Philippines Arnaud Peral na ang pagsandal ng bansa sa imported fossil fuels ay nagbibigay-diin lamang na madaliin ang renewable energy development.
Aniya, mahigit sa 97% ng Philippine crude oil imports noong 2025 ay nanggaling mula sa Gitnang Silangan, dahilan para ang sambahayan at mga negosyo ay maging vulnerable sa pagkagambala sa global fuel markets.
“That experience made one thing very clear: energy security and climate action are not two agendas. They are just one,” ang sinabi ni Peral.
“Renewable energy accounted for about 25 percent of the country’s power generation mix at the end of 2025, up from 22 percent,” aniya pa rin sabay sabing “Green energy auctions have awarded more than 20 gigawatts of renewable energy capacity, with additional projects in the pipeline through 2035.”
Welcome naman sa Pilipinas ang updated 2026 Nationally Determined Contribution (NDC), na nagpapanatili ng target ng pagbabawas ng greenhouse gas emissions ng 75% mula 2025 hanggang 2035.
Sa ilalim ng updated commitment, “the country’s unconditional contribution rose from less than 3 percent to 7 percent, while the remaining 68 percent depends on international support.”
“A conditional target is a promise made by the whole international community, not by the Philippines alone,” anito.
Ani Peral, ang 11 UN organizations, funds and programs ay nakikipag-ugnayan sa gobyerno ng Pilipinas ukol sa energy security at climate initiatives.
“These include the United Nations Office for Project Services (UNOPS), which is supporting the development of offshore wind permitting and licensing frameworks that could help unlock up to 19 gigawatts of generating capacity,” ayon sa ulat. KRIS JOSE
