MANILA, Philippines – Naitala sa nakakaalarmang kondisyon ang lebel ng particulate matter (PM) 2.5 concentration sa hangin sa Zamboanga City kasabay ng nagpapatuloy na forest fire sa Indonesia.
Sa pinakahuling monitoring ng Department of Environment and Natural Resources Environmental Management Bureau (DENR-EMB) nitong Miyerkules, Oktubre 14, nakita ang “emergency” level para sa kalidad ng hangin sa Ateneo de Zamboanga University Tumaga station sa Zamboanga City.
Samantala, naitala rin ang unhealthy condition sa ilang lugar sa Visayas at Mindanao:
Acutely Unhealthy
WMSU, San Ramon, Talisayan, Zamboanga City
Very Unhealthy
Talisay City
Santa Cruz, Tagoloan, Misamis Oriental
Unhealthy for Sensitive Groups
DENR X Compound, Cagayan de Oro City
Iligan City
Barangay Culaman, Malita, Davao Occidental
“The observed haze is possibly associated with smoke and transboundary haze from ongoing fires in Kalimantan, Indonesia, which may have been transported toward the Philippines by prevailing winds,” ayon sa DENR-EMB.
Ang sunog sa Kalimantan, Indonesia ay nagsimula noong Agosto at nakaapekto rin sa kalidad ng hangin sa Metro Manila sa panahon ng Habagat.
Inabisuhan naman ng DENR-EMB ang publiko na limitahan ang outdoor activities lalo na sa mga lugar na apektado ng haze.
“Persons sensitive to air pollution, including children, older persons, and individuals with respiratory or cardiovascular conditions, are advised to limit outdoor exposure and take necessary precaution.” RNT/JGC
