MANILA, Philippines – NAGSANIB-puwersa ang Department of Education (DepEd) at Department of the Interior and Local Government (DILG) para palakasin ang school safety sa pamamagitan ng pagde-deploy ng mga barangay tanod sa loob ng school premises at pagsasama-samahin ang mga ahensiya sa unified 911 emergency system sa bansa sa gitna ng insidente ng school shootings at iba pang banta.
Ang kasunduan ay saklaw ng joint memorandum circular (JMC) na pinirmahan ng dalawang ahensiya noong Oktubre 14, nang pangunahan nina Education Secretary Sonny Angara at Interior Secretary Jonvic Remulla ang isang joint school safety audit at drill sa Bangkal High School sa Makati City.
Sa ilalim ng JMC, maaaring makipag-ugnayan ang mga eskuwelahan sa mga barangay para mag-request ng deployment ng barangay tanod — community peacekeepers — para mapanatili ang kaayusan at seguridad sa loob ng school perimeters bilang community safety partners.
Sinabi ng DepEd na habang magbibigay ang mga barangay tanod ng karagdagang proteksyon para sa mga estudyante, ang mga ito ay “will not replace school authorities or law enforcement, with orientations conducted to ensure alignment on child protection, learner rights, and school safety.”
Sa kabilang dako, ang emergency response sa mga eskuwelahan ay pabibilisin ng technology firm na NGA Philippines, na isasama ng DepEd sa unified 911 system ng DILG.
Inilunsad ng DILG ang unified emergency hotline noong September 2025, pagi-isahin ang mahigit sa 30 local emergency numbers sa isang single service.
Ayon kay NGA Philippines country head Robert Llaguno, ang bagong emergency system ay susundan ng isang parallel workflow process.
“As emergencies happen, the report is sent simultaneously to both the Philippine National Police (PNP) and the DepEd so they can respond jointly and make faster decisions about the call,” ayon sa NGA Philippines sa hiwalay na press release.
“The incident also gets processed and validated by the Department of Education’s central, regional and schools division offices, so report processing that normally takes weeks to complete can be finished in a day. Information storage is centralized,” ang sinabi pa rin ng NGA Philippines. KRIS JOSE
