BATANGAS, Philippines – Kinumpirma ng Philippine Air Force (PAF) na nasangkot sa isang insidente ang dalawang SF-260 aircraft habang nagsasagawa ng training flight sa Fernando Air Base sa Lipa City, Batangas, dakong alas-3:50 ng hapon noong Biyernes.
Ayon kay PAF spokesperson Col. Alvin Jay Capinguian, nagtalaga na ng mga response team upang tiyakin ang seguridad sa lugar at suriin ang sitwasyon.
“Immediate response measures were activated upon the occurrence of the incident. Our primary priority remains the safety and welfare of the personnel involved, as well as the individuals within the vicinity of the incident site,” pahayag ni Capinguian sa isang statement na ipinadala sa mga reporter ng depensa.
Hindi pa kinukumpirma ng PAF kung may nasugatan o nasawi sa insidente. RNT/MDS
