Pamilya ng drug war victims nag-alay ng misa para sa Undas

QUEZON CITY – Nagtipon ang mga pamilya ng mga nasawi at naapektuhan ng war on drugs noong administrasyon ni dating Pangulong Rodrigo Duterte para sa isang misa bilang paggunita sa Undas.

Isinagawa ang aktibidad sa ilalim ng Program Paghilom nitong Huwebes, Oktubre 29, sa Divine Word Shrine sa Christ the King Mission Seminary sa Quezon City.

Pinangunahan ni Fr. Flaviano L. Villanueva, SVD, ang misa para sa mga pamilyang patuloy na inaalala ang kanilang mga mahal sa buhay na nasawi sa anti-drug campaign.

Naging bahagi ng pagtitipon ang pagdarasal at pag-alala sa mga yumao bilang paghahanda sa paggunita ng All Saints’ Day at All Souls’ Day. RNT