SURIGAO DEL SUR – Niyanig ng magnitude 5.6 na lindol ang karagatan sa Surigao del Sur nitong Huwebes ng hapon, ayon sa Philippine Institute of Volcanology and Seismology (PHIVOLCS).
Naitala ang lindol alas-3:31 ng hapon, may layong 164 kilometro hilagang-silangan ng Lingig, Surigao del Sur, at may lalim na 10 kilometro.
Naitala ang Instrumental Intensity I sa Nabunturan, Davao de Oro at Tandag City, Surigao del Sur.
Ayon sa PHIVOLCS, walang inaasahang pinsala mula sa lindol ngunit posible ang mga aftershock. RNT
