MANILA, Philippines – Minomonitor ng Department of Energy (DOE) ang suplay ng kuryente at petrolyo sa bansa sa pagdami ng mga gumagamit nito ngayong Undas.
Ayon sa ahensya, nakikipagtulungan sila sa power generation firms, National Grid Corp. of the Philippines at distribution utilities, kabilang ang mga electric cooperative, upang masiguro na matutugunan ang demand ngayong holiday period.
Nakalatag din ang contingency measures sa oras na bumaba ang suplay ng kuryente at magkaroon ng localized outages.
Samantala, inatasan din ang local oil firm na siguruhin ang sapat na inventory at siguruhing hindi mapuputol ang koperasyon ng mga gas station lalo na sa pangunahing kalsada.
“While the DOE works with the energy industry to maintain reliable energy services during Undas, the public can also help ensure a safe and responsible observance. Simple steps, such as unplugging appliances and checking electrical connections before leaving home, can help conserve energy and protect lives and property,” saad sa pahayag ni Energy Secretary Sharon Garin.
Hinimok naman ni Garin ang publiko na ireport ang mga electrical hazard at iba pang iregularidad katulad ng kumikislap na mga wire, nag-ooverheat na metro, posibleng iligal na koneksyon o jumper, at tampered meter. RNT/JGC
