MANILA, Philippines – Hindi tinuturuan ng depensa ang mga witness na kanilang ipinipresenta sa impeachment court, ayon sa spokesperson ng defense team ni Vice President Sara Duterte na si Atty. Michael Poa.
Nitong Martes, Nobyembre 10 ay ipinresenta ng defense team si Davao City accountant Vingelin Bajan.
Ipinunto ng prosekusyon na si Bajan ay partner ng accounting firm na nag-audit ng mga kompanyang iniuugnay kay Duterte.
Nang tanungin sa kaugnayan, aminado si Poa na hindi niya alam ang mga ito dahil hindi naman inihanda ng depensa ang mga witness.
“We do not, to be very candid with you, when we call these witnesses, we needed them for specific purposes, but we do not prep them. Kung meron mang kaming communication whatsoever, it’s just the scope.” sinabi ni Poa.
“We don’t really interview them muna, ‘di ba? Because we want them to be able to just state the facts as they are and we don’t want to be accused of tampering with their testimonies or coaching them or anything like that. So yung sa mga ties, we did not know about that,” dagdag ni Poa.
Aniya, batid nito ang pagkadismaya ng mga senator-judge ngunit sinabi na may mga pagkakataon talagang hindi maaalala ng mga witness ang sagot sa tanong sa kanila.
“We would want our witnesses to be as straightforward as they can. Since they’re under oath, kung hindi talaga nila natatandaan, mahirap naman sigurong gumawa din sila ng kwento kung hindi naman talaga nila natatandaan. But, we’ll see,” ani Poa.
Kapareho sa defense witness na si Davao City Assessor Engineer Jaime Adalin, nadismaya rin ang ilang senator-judge kay Bajan na tila nakakalimutan ang mga detalyeng itinatanong sa kanila. RNT/JGC
